КАМЯГА – 1) выдзеўбанае карыта з доўгай калоды дрэва. Прызначалася для вадапою свойскай жывёлы і звычайна ставілася каля студні;



2) выдзеўбаная лодка ў выглядзе карыта. У розных мясцінах камягу называлі доўбанкай, дубам, дубіцай, калдубам, душагубкай. Рабілася з дубу, асіны, сасны ды іншых пародаў дрэваў. Для ўстойлівасці да камягі на ўзроўні воднай паверхні па баках нярэдка мацавалі даўляныя брусы ці пласціны (крылы).