КАПТУР – традыцыйны
галаўны ўбор замужніх жанчынаў. Паўшарападобная ці плоская прызбораная на патыліцы шапачка з вушкамі, да якіх прышывалі матузкі для завязвання пад падбародкам.
Жанчына ў каптуры. Камянецкі раён. Пачатак 20 ст.
Розныя віды каптуроў. Пачатак 20 ст.Бытаваў пераважна ў Цэнтральнай і Заходняй Беларусі да пач. XX ст. (у XVI-XVII стст. яго насілі знатныя гараджанкі і шляхцянкі). Шылі яго з аксаміту, шоўку, атласу, паркалю звычайна чырвонай гамы; вушкі і перад аздаблялі вышыўкай, залатой і срэбнай тасьмой, нашыўкамі рознакаляровых стужак,
бісерам. Надзявалі на тканку (круглы валік, на які накручвалі валасы), зверху часта завівалі намітку, завязвалі хустку.
