КАСПЯРОВІЧ Мікалай Іванавіч (09(22).05.1900 г., в.Ізабалёва Пухавіцкага раёна – 03.04.1945 г.) – беларускі краязнаўца, мовазнаўца, літаратуразнаўца. У 1926 – 1929 гг. быў навуковым сакратаром Цэнтральнага бюро
краязнаўства.
Пісаў пра гісторыю краязнаўчай працы на Беларусі, распрацоўваў яе задачы і методыку (артыкулы «Арганізацыя краязнаўчага руху», «Вывучэнне культурнага стану краю» і інш.), пра неабходнасць даследаваць сялянскі і рабочы побыт (артыкулы «Вывучэнне гісторыі сялянскіх сем'яў», «Вывучэнне быту рабочых»). Аўтар «Беларуска-расійскага слоўнічка» (1925), «Віцебскага краёвага слоўніка» (1927). Вывучаў гісторыю выяўленчага мастацтва, архітэктуру, графіку. Цікавіўся гісторыяй тэатра, навукі, даследаваў асобныя праблемы развіцця беларускай літаратуры.