КІРМАШОВЫ ТЭАТР – паказы народнага тэатра на кірмашы. Найбольш пашыраны на Беларусі ў XVI — пачатку XX ст. Уключалі акрабатычныя нумары, выступленні скамарохаў, штукароў, павадыроў мядзведзяў, а таксама паказы батлейкі і райка. У Докшыцах на кірмашах у пачатку ХХ ст. карысталіся папулярнасцю паказы батлейкі Патупчыка з вострымі сатырычнымі сцэнкамі на мясцовыя сюжэты.