КОЛЕСНЯ — прыстасаванне для вырабу драўляных колаў; неабходная прылада стальмашнай майстэрні. Называлася таксама калесня.
Колесня Уяўляла сабой масіўны ўслон з акруглай адтулінай пасярэдзіне, падоўжанай з аднаго боку скразной шчылінай. Форма адтуліны і прыстасаваны вертыкальна рычаг-клямар давалі магчымасць заціскаць у калодку кола, нацягваць вобад на спіцы, забіваць утулку, буксу і інш.