КОРЖ,
прaснак — даўняе прэснае мучное печыва. Называлі таксама каржэнь, каржан. Ha корж звычайна бралі жытнюю муку, крута замешвалі на вадзе або сыроватцы, дадавалі соль, соду. Пяклі на чарэні або на патэльні тоўстым
блінам. Рабілі каржы «праснаком на скорым часе», як не было хлеба, ці ў пост, на памінкі.
Корж таксама елі, пакрышыўшы яго на кавалкі і заліўшы смятанай або тоўчанымі ягадамі. Часам на корж бралі пшанічныя высеўкі, тоўчанае канаплянае ці льняное семя (Столінскі, Лельчыцкі, Рагачоўскі раёны). Калі не хапала мукі, дадавалі тоўчаную вараную бульбу. У наш час каржы — печыва з пшанічнай мукі на малацэ, здобнае, салодкае.