КОЎШ — драўляная выдзеўбаная пасудзіна для перасыпання збожжа, мукі. Коўш называюць таксама чарпаком. Мае доўгую або кароткую ручку. Авальны ў плане, вышыня 10 — 13 см, даўжыня з ручкай 30 — 50, шырыня 18 — 22 см. Доўгая ручка заканчваецца закручаным уніз канцом для падвешвання, кароткая мае ўнізе скразную адтуліну для пальцаў.
Коўш Каўшы Выраблялі коўш з цвёрдых і менш цвёрдых парод дрэва. Шэраг каўшоў — выдатныя ўзоры работы мясцовых майстроў. Для іх характэрны пластычнасць, выразнасць форм, прыгожы малюнак слаёў драўніны. Пашыраны ў многіх раёнах.