КУБАК, конаўка, кварта — невялікая гліняная, драўляная, металічная, часам лубяная пасудзіна цыліндрычнай, усечана-канічнай або бочкападобнай формы з ручкай. Лакальная назва кухлік. Ёмістасцю звычайна не больш 1 л.
КубакВыкарыстоўваўся для піцця вады,
квасу і іншых напіткаў. Гліняныя кубкі рабілі паліванымі і чорназадымленымі. Аздаблялі лінейна-хвалістым контррэльефным
арнаментам, глянцаваным геаметрычным узорам,
ангобнай размалёўкай, радзей ляпным дэкорам. На поўначы Беларусі для трываласці кубак апляталі бяростай. Унутраную паверхню медных і латунных кубкаў лудзілі.
