Кудласевіч Анатоль нарадзіўся ў 1961 г. у вёсцы Таўмачава Столінскага раёна. Дзяцінства і школьныя гады прайшлі ў в.
Люсіна на Ганцаўшчыне. Скончыў Пінскі сельскагаспадарчы тэхнікум і Літаратурны інстытут імя М.Горкага. Служыў у войску, працаваў ветфельчарам, слесарам па рамонту сельскагаспадарчых машын, зборшчыкам радыёапаратуры, цесляром-бетоншчыкам, карэспандэнтам-арганізатарам Бюро прапаганды мастацкай літаратуры, рэдактарам на тэлебачанні, Беларускім радыё.
Вершы друкаваліся ў «Полымі, «Маладосці, «ЛіМе», «Дні паэзіі», іншых выданнях. Аўтар кніг паэзіі «Плакун-трава» і «Зорныя ноты». Піша прозу, вядомы як бард.
