КУКЕВІЧ Канстанцін Фадзеевіч (1810 г., Вільня — 1842 г.) — жывапісец, графік. Творчасць звязаная з мастацкім жыццём Беларусі, Польшчы і Літвы. Вучыўся ў
Віленскім універсітэце ў Я.Рустэма і Пецярбургскай АМ (1835 — 1839 гг.).
Вывучаў жыццё і побыт насельніцтва Гродзеншчыны і Віленшчыны. Стварыў шэраг жанравых кампазіцыяў («Рускія салдаты ў вёсцы», «Прывал уланаў каля пераправы праз раку», «
Карчма», «Яўрэйскія кантрабандысты ў ваколіцах Вільні»). Сярод графічных замалёвак — «Гандляр шапкамі», «Букініст», «Карчма ў прадмесці», «Старызнік». У 1840 г. выдаў серыю літаграфіяў «Вільня, год 1840», на якіх паказаў сцэны з народнага жыцця. Яго працы былі змешчаныя ў альбоме Я.Вільчынскага.