КУХТА Марцін Міхайлавіч (Kukta Martynas) (1875 г., Ковенская губерня – 1942 г. (?)) – друкар, выдавец кніг на беларускай мове. У 1906 г. заснаваў у Вільні друкарню з правам выпускаць кнігі, газеты і часопісы на еўрапейскіх мовах. 10 (23) лістапада 1906 г. у яго друкарні выйшаў 1-ы нумар газеты «Наша Ніва». Друкаваў творы
Францішака Багушэвіча,
Максіма Багдановіча,
Якуба Коласа, Цёткі,
Канстанцыі Буйла і іншых беларускіх пісьменнікаў, беларускія календары, зборнікі, спеўнікі. Выпускаў забароненыя цэнзураю творы.
Друкарня Кухты існавала да 1916 – 1917 гг.