КУРЫЛОВІЧ Ганна Мікалаеўна (нарадзілася 23.09.1938 г., в.Загор'е Светлагорскага раёна Гомельскай вобласці), беларускі этнограф. Кандыдат гістарычных навук (1979). Скончыла
БДУ (1966). У 1957-67 гг. артыстка Дзяржаўнага народнага хору
БССР, з 1967 г. навуковы супрацоўнік Інстытута мастацтвазнаўства, этнаграфіі і фальклору АН. Даследуе матэрыяльную і духоўную культуру беларусаў, промыслы і рамёствы.
Аўтар кнігі «Беларускае народнае ткацтва» (1981), сааўтар прац «Беларускае народнае
адзенне» (1975), «Змены ў побыце і культуры сельскага насельніцтва Беларусі» (1976), «Помнікі народнай архітэктуры і побыту Беларусі» (1979), «Грамадскі, сямейны побыт і духоўная культура Палесся» (1987), «Палессе. Матэрыяльная культура» (1988).