ЛЯМЕШКА — рэдкаватая страва з мукі. Жытнюю муку (у Ельскім, Лельчыцкім, Мазырскім раёнах — грэцкую) падпрэжвалі, потым засыпалі ў круты вар або залівалі ім, варылі ў печы пры агні. Кажуць: «3 аднаго мешка хлеб і лямешка», «За лыжкаю лямешкі трэба ісці сто кілометраў пешкі».

У наш час лямешкай могуць называць зацірку, рэдкі кулеш, мяшанку жывёле. Вядома на Брэстчыне, Гомельшчыне, Магілёўшчыне.