Для атрымання валакна саломку льну рассцілалі на лузе або на пожні, звычайна ў канцы жніўня ў час вялікіх рос. Пры дажджлівым надвор'і саломка вылежвала 3 — 4 тыдні, пры сухім — 5 — 6. У раёнах таварнай вытворчасці (поўначы і паўночным усходзе) яе вымочвалі (часам спачатку вымочвалі, а потым рассцілалі). Валокны з мачанца лепш выбельваліся і былі больш моцнымі. Гатовую трасту звязвалі ў кулі, сушылі ў
ёўні, на печы і інш. У кастрычніку яе мялі церніцай, трапалі траплом, часалі грэбенем або шчоткай. Атрыманыя
кужаль або
кудзелю пралі пры дапамозе верацяна ці на
калаўроце.
