Галоўная » ЛУННІЦА – металічнае ўпрыгожванне (завушніцы, нагрудныя падвескі, дэталі галаўнога ўбору) у выглядзе паўмесяца. Вядомыя многім народам Еўропы і Азіі з канца бронзавага веку.
У Старажытнай Русі пашыраныя ў Х – ХІІІ стст. і звязаныя з ушанаваннем Месяца (па руску Луна), які на думку старажытных продкаў, дабратворна ўплываў на рост раслінаў. У некаторых пасярэдзіне змешчаны крыж – сімвал сонца.
Шмат лунніцаў знойдзена ў курганах радзімічаў, курганных пахаваннях на Магілёўшчыне, пры раскопках у Мінску, Полацку, Друцку, каля Барысава.
Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.
