МАГІЛЬНЯНСКІ ЗАМАК існаваў у 16 — 17 ст. каля в.Магільна Уздзенскага раёна Мінскай вобласці. Паводле
інвентара 1536 г. быў пабудаваны Станіславам Пацам. Размяшчаўся на правым беразе Нёмана і займаў чатырохвугольную пляцоўку памерамі 110 х 65 м, абкружаную валам. Яна аддзялялася ад прызамча ровам глыбінёю да 8 м. Ва ўсходняй частцы пляцоўкі быў
бастыёнападобны выступ.
У замку мелася ўязная
брама з пад'ёмным мостам-«узводам» і не менш як 4 вуглавыя
вежы. Пад абаронай замка знаходзіліся «село Могильно, двор Могильно» і «местечко Могильно». Як сведчыць інвентар, замак быў забяспечаны рознай зброяй, і ў час небяспекі яго маглі абараняць больш за сто добра ўзброеных воінаў. Магільнянскі
замак страціў ролю абарончага пункта ў ходзе вайны Расіі з Рэччу Паспалітай у сярэдзіне 17 ст.