МАКРАМЭ (араб. тасьма, карункі, махры) — вырабы, створаныя ў тэхніцы вузельчыкавага ручнога пляцення; від дэкаратыўна-прыкладнога мастацтва. Для макрамэ выкарыстоўваюць тоўстыя суровыя ніткі, сінтэтычны або шаўковы шнур і інш., іх часам дапаўняюць драўлянымі, керамічнымі пацеркамі, зашчэпкамі, скуранымі і іншымі дэкаратыўнымі дэталямі. Асновай для пляцення могуць служыць драўляныя, металічныя, пластмасавыя кольцы.
Макрамэ Вырабляюць побытавыя і мастацкія рэчы: сумкі, кулоны, паясы, кашпо, абажуры, пано,
абрусы, сурвэткі, кашалькі, футаралы і інш.
Як від мастацкай творчасці макрамэ пашырана з 15 ст. ў Італіі, Паўночнай Еўропе, з 18 ст. ў Расіі. На Беларусі тэхнікай макрамэ выраблялі ў 19 ст.
карункі ручнікоў, паясы,
галаўныя ўборы. Асаблівую папулярнасць макрамэ набыло ў 1970-80-я г. ў творчасці самадзейных майстроў і майстроў фабрык мастацкіх вырабаў.