МАЛАДЫ — назва мужчыны, які жэніцца, з пачатку вясельнага
абраду або
заручын да заканчэння
вяселля. Называюць яшчэ жаніх, князь, малады князь, маладзец, маладзень, суджаны.
Асноўныя атрыбуты маладога — кветка справа на грудзях або шапцы і заткнутая пад пояс або павязаная на шыі хустка, падараваная маладой, вышыты каўнер і манішка кашулі, прывязаны да рукі доўгі вышыты ручнік (радзей — хустка).