МАРОВАЯ ПАННА – вобраз у старадаўніх павер'ях беларусаў. Яе ўяўлялі жанчынай у чорнай хустцы.

Лічылі, што маровая панна прыносіць эпідэмію, мор. Каб засцерагчыся ад павальнай хваробы, увасабленнем якой была маровая панна, дзяўчаты праводзілі вакол вёскі баразну. Іх суправаджалі старыя жанчыны з косамі, скавародамі. Абрад спраўлялі з шумам, трэскам, крыкам, каб адпужаць маровую панну.

Уяўленне аб маровай панне знікла ў канцы 19 – пачатку 20 ст.