Пятніца, 22.02.2019, 15:47

МАШЫНСКІ (Moszynski) Казімір


МАШЫНСКІ (Moszynski) Казімір (05.03.1887 г., Варшава — 30.03.1959 г.) — польскі і беларускі этнограф, фалькларыст, мовазнавец. Акадэмік Польскай АH (1938), прафесар Ягелонскага (1926 — 1935; 1945 — 1959) і Віленскага (1935 — 1940) універсітэтаў. Прэзідэнт Польскага народазнаўчага таварыства. Зацікавіўся Палессем пад уплывам Ч.Пяткевіча. У 1914 г. быў у экспедыцыі ў Мазырскім павеце, вывучаў матэрыяльную і духоўную культуру беларусаў. Паводле матэрыялаў экспедыцыі напісаныя артыкулы «Нататкі пра славянскую тапаграфічную і фізіяграфічную тэрміналогію, заснаваныя пераважна на беларуска-палескім матэрыяле» (1921), «Пра народную культуру паўднёва-сярэдняга Палесся», «Выпальванне цаліны», «Навагрудчына у этнаграфічных адносінах» (усе 1925 г.). Матэрыялы экспедыцыі абагульніў у манаграфіі «Усходняе Палессе. Этнаграфічныя матэрыялы...» (1928), дзе адлюстраваныя прырода краю, побыт, заняткі жыхароў, іх духоўная і грамадская культура (абрады, вераванні, звычаі, вуснапаэтычная творчасць). У 3-х кнігах капітальнай працы «Народная культура славян» (1929 — 1939, 2 выд. 1967 — 1968) спрабаваў абагульніць звесткі амаль з усяго славянскага рэгіёну, разглядаў беларускую культуру, фальклор нараўне з усёй агульнаславянскай культурай.

У 1932 г. разам з Ф.М. Калэсам ездзіў у Цэнтральнае Палессе (цяпер Салігорскі і Лунінецкі раёны), запісаў на фанограф выкапаныя на розных інструментах мелодыі, песні; напісаў артыкул «Пра музычна-этнаграфічныя даследаванні на Палессі ў 1932 г.» (1934). Беларускі матэрыял лёг у аснову публікацыяў «Беларускі "спор" і "спарыш"» (1929 — 1930), «Сучасны стан мелаграфіі карэннай Беларусі і Палесся» (1934), «Пра палескія песні» (засталася ў рукапісе). Аўтар працаў «Атлас народнай культуры Польшчы» (сш. 1-3, 1934 — 1936), «Чалавек. Уступ да агульнай этнаграфіі і этналогіі» (1958), «Пра спосабы даследавання матэрыяльнай культуры праславянаў» (1962).

Крыніца: «Краязнаўчая газета» № 43 (444) лістапад 2012 г.
Меню
Відэаканал GantsRegion
Уваход

Пошук
Катэгорыі раздзелу
Публікацыі [250]
Каталог файлаў [99]
Малая краязнаўчая энцыклапедыя [115]
Культура [145]
Адукацыя [18]
Спорт [683]
Здарэнні [154]
Грамадства [261]
Эканоміка [10]
Транспарт [74]
Блог [6]
Падарожнічаем разам [12]
Каляндар
«  Люты 2019  »
ПанАўтСерЧацПятСубНяд
    123
45678910
11121314151617
18192021222324
25262728
Хто тут?
Анлайн усяго: 4
Гасцей: 3
Карыстальнікаў: 1

vitalis
Статыстыка і партнёры
Каталог TUT.BY Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.