МАТЫЛЁК,
матыль — традыцыйная рыбалоўная снасць тыпу дарожкі. Уяўляла сабой металічную пласцінку (бляшку) у форме рыбкі, рухома насаджаную на кавалак дроту. На канцы яго мацаваўся якарок, для маскіроўкі абвязаны пер'ем.
У вадзе пласцінка круцілася вакол сваёй восі, імітуючы жывую рыбку. Матылёк цягнулі за чоўнам або
лодкай на шнуры, да якога прымацоўвалі грузілы. Шнур намотваўся на спецыяльнае матавільца ці дошчачку.
Матылёк вядомы здаўна. У наш час выкарыстоўваецца ў аматарска-спартыўным рыбалоўстве ў традыцыйным выглядзе і як дэталь спінінга.