Экспазіцыя размешчана ў 4 залах агульнай плошчаю 170 м². У раздзеле археалогіі дэманструюцца знаходкі з аршанскіх стаянак каменнага веку, комплексу археалагічных помнікаў каля в.Чаркасава,
гарадзішча жалезнага веку каля в.Вусце, аршанскага гарадзішча (12 — 18 ст., шматлікія вырабы са шкла, керамікі, жалеза, каляровых металаў, костак), Аршанскага Куцеінскага Богаяўленскага манастыра (17 — 18 ст.,
кафля, ювелірныя вырабы) і іншыя прадметы. У раздзеле гісторыі, які адлюстроўвае жыццё Оршы ў складзе
Вялікага Княства Літоўскага, Рэчы Паспалітай, Расійскай імперыі, экспануюцца дакументы і матэрыялы пра дзейнасць
Куцеінскай друкарні (17 ст.) і
вайны 1812 г., нумізматычныя калекцыі (рускія манеты 15 — пачатку 20 ст., літоўскія, польскія, шведскія манеты 16 — 18 ст.), зброя 16 — пачатку 20 ст., старадрукі і рукапісныя кнігі 17 — 19 ст., макеты паселішча 12 ст., Аршанскага замка 16 ст., цэнтра Оршы пачатку 20 ст. У раздзелах, прысвечаных Оршы ў 20 ст., адлюстравана сацыяльна-эканамічнае і культурнае развіццё
горада на працягу мінулага стагоддзя. Музей таксама мае экспазіцыю пад адкрытым небам «Культавыя камяні Аршаншчыны».
Крыніца: Музеі Беларусі Музеи Беларуси / [рэдакцыйны савет: Г.П. Пашкоў, Л.В. Календа, М.Г. Нікіцін]. - Мінск : Беларуская Энцыклапедыя, 2008. - 559 с.
Адрас: 211391, г.Орша, вул.Леніна, 11
Тэлефон: +375 (0216) 212-551