МУЗЫКА АрцёмГалоўная »
МУЗЫКА Арцём — псеўданім, сапраўднае імя і гады жыцця невядомыя. Аўтар апавядання «Прыгоды Панаса і Тараса».
Выйшла асобным выданнем у 1912 г. у Пінску (цэнзурны дазвол «мая 12 дня 1911 года»), налічвае 32 старонкі. У аснове апавядання — гісторыя падарожжа двух беларускіх сялянаў на Захад, каб паглядзець на жыццё і побыт суседзяў-мазураў. Апавяданне напісанае ў гумарыстычным плане, дзеянне разгортваецца дынамічна, мова даволі адшліфаваная, лексіка багатая, вытрыманая ў жывым гутарковым стылі (адчуваюцца асаблівасці сярэднебеларускага дыялекту).
Кніга не трапіла ні ў адзін бібліяграфічны даведнік, адзіны асобнік зберагаецца ў Нацыянальным гістарычным музеі Рэспублікі Беларусь.
Крыніца: «Краязнаўчая газета» № 48 (497) снежань 2013 год |