НЕЗАБІТОЎСКІ СтаніслаўГалоўная »
НЕЗАБІТОЎСКІ Станіслаў (24.09.1641 г., Навагрудчына — 1717 г.) — беларускі мемуарыст. Вучыўся ў Наваградскім езуіцкім калегіуме. Кальвініст. Служыў у Радзівілаў, доўгі час жыў у Слуцку. Неаднаразова выбіраўся дэпутатам ад наваградскай шляхты на сесіі Трыбунала Вялікага Княства Літоўскага.
Збераглася вялікая эпісталярная спадчына Незабітоўскага (каля 700 лістоў да розных асобаў). Аўтар змястоўных і падрабязных успамінаў, дзе апісаныя падзеі 1682 — 1700 гг. на Наваградчыне і Случчыне. Яго мемуары — каштоўная крыніца па гісторыі грамадска-палітычнага і прыватнага жыцця Беларусі і Літвы канца XVII ст. Рукапіс мемуараў зберагаецца ў Нацыянальнай бібліятэцы ў Варшаве.
Крыніца: "Краязнаўчая газета” № 36 (581) верасень 2015 года |