Першапачаткова складалася з нізкай шатровай
брамы (злучала
горад з замкам; не захавалася) і высокай абарончай вежы.
Вежа — квадратнае ў плане збудаванне, завершанае шатровым дахам. Глухі ніжні ярус з контрфорсамі вырашаны як масіўны цокаль. 2-і ярус аформлены прамавугольнымі, круглымі і квадратнымі аконнымі праёмамі, 3-і і 4-ы — арачнымі. Белыя атынкаваныя абрамленні праёмаў і між'ярусныя паяскі кантрастуюць з чырвонай цаглянай муроўкай сцен, што стварае дэкаратыўную 2-колерную гаму фасадаў. У архітэктуры вежы адлюстраваны рысы беларускага абарончага дойлідства, стыляў
готыкі і рэнесансу.