НЯЎВАЖНЫ Фларыян (Nieuwazny Florian)Галоўная »
НЯЎВАЖНЫ Фларыян (Nieuwazny Florian) — нарадзіўся 30 красавіка 1929 г. у г. Жывец (Польшча). Скончыў Кіеўскі ўніверсітэт (1954). Доктар філалогіі габілітаваны, прафесар Варшаўскага ўніверсітэта. Вядомы польскі славіст, спецыяліст па ўсходнеславянскіх літаратурах. Выдаў манаграфіі пра У. Маякоўскага, I. Эрэнбурга, шматнацыянальную савецкую літаратуру, украінскую літаратуру.
Аўтар шматлікіх артыкулаў пра Янку Купалу, Якуба Коласа, Васіля Быкава, Максіма Танка, Уладзіміра Караткевіча і інш.
Даўно і плённа перакладае на польскую мову беларускую прозу і паэзію — ад Янкі Купалы і Максіма Багдановіча да Рыгора Барадуліна, Анатоля Кудраўца і Леаніда Дранько-Майсюка. Выдаў у сваім перакладзе анталогію беларускай, украінскай і расійскай паэзіі «На той зямлі» (1998).
Крыніца: «Краязнаўчая газета» № 17 (610) май 2016 г. |