ПАГАРЭЛАЎ Леў Мікалаевіч (нарадзіўся ў 27.06.1929, г. Ачакаў Мікалаеўскай вобласці Украіна) — беларускі архітэктар. Заслужаны архітэктар
БССР (1973). Скончыў Адэскі інжынерна-будаўнічы інстытут (1954). 3 1954 г. у інстытуце Мінскпраект (з 1964 г. кіраўнік майстэрні).
Асноўныя працы ў
Мінску: жылыя дамы па вул. Казлова, Енісейскай, Кальварыйскай, Серафімовіча, Партызанскім праспекце, у жылым раёне Чыжоўка (1960 — 1970-я гг.), па вул. Максіма Танка (1977 — 1984, у сааўтарстве), Омскім завулку, на Велазаводскай плошчы, масты цераз раку Свіслач па вул. Кастрычніцкай і Арапскай (1962), гасцініца «Турыст», Цэнтральны навукова-даследчы і праектна-тэхналагічны інстытут арганізацыі і тэхнікі кіравання (1973, у сааўтарстве), інстытут Мінскпраект (1975, у сааўтарстве), гасцініца «Кастрычніцкая», Мінскі аўтавакзал «Усходні», станцыя «Маскоўская» Мінскага метрапалітэна.