ПАЛЯНСКАЯ КАПЛІЦА СВЯТОЙ ГАННЫГалоўная »
ПАЛЯНСКАЯ КАПЛІЦА СВЯТОЙ ГАННЫ размяшчаецца на могілках на паўночнай ускраіне вёскі Паляны Ашмянскага раёна Гродзенскай вобласці. Пабудавана ў 1810 годзе з дрэва.
Помнік народнага дойлідства з рысамі класіцызму. Вырашана прамавугольным у плане зрубам пад двухсхільным дахам, вынесеным на фасадзе трохвугольным франтонам на чатырох слупах. Вертыкальна ашаляваныя фасады прарэзаны высока ўзнятымі прамавугольнымі аконнымі і ўваходным праёмамі, паўкруглай люкарнай пад франтонам.
Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.
|