Панядзелак, 20.11.2017, 03:12

ПАПРОЦКІ Францішак


ПАПРОЦКІ Францішак [10.06.1723 — 02.07.1805 (?)]— выдавец, перакладчык, гісторык. Родам з Беларусі. Вучыўся ў Полацкай, Слуцкай, Нясвіжскай і Гродзенскай езуіцкіх калегіях. У 1753 — 1756 гадах выкладаў у Варшаве. 3 1757 года у Вільні, выкладчык Віленскай езуіцкай акадэміі, доктар філасофіі (1758). Прадоўжыў распачатае Я.Пашакоўскім выданне віленскіх «Палітычных каляндарыкаў», дзе друкаваў звесткі па гісторыі, астраноміі, геаграфіі і фізіцы.

3 1760 года узначаліў віленскую акадэмічную друкарню, у якой у 1760 — 1762 гады выдаваў і рэдагаваў першы на тэрыторыі Літвы і Беларусі інфармацыйны штотыднёвік «Kurier Litewski» («Літоўскі кур'ер») з штомесячным дадаткам «Wiadomosci Literackie» («Літаратурныя весткі»), дзе змяшчалася шмат матэрыялаў з Беларусі. Там жа надрукаваў гістарычную працу К.Галоўкі «Хатнія звесткі пра Вялікае Княства Літоўскае» (1760) і ўласную кампіляцыю «Найбольш значныя войны...» (1763).

У 1765 — 1768 гады рэктар Ковенскай калегіі, потым у Варшаве займаў розныя пасады ў ордэне езуітаў. Пераклаў з французскай на польскую мову кнігу К.Нано «Памылкі Вальтэра» (Нясвіж, 1781). Прытрымліваўся поглядаў памяркоўнага крыла асветнікаў.

Крыніца: «Краязнаўчая газета» №40 (681) кастрычнік 2017 год
Меню
Відэаканал GantsRegion
Уваход

Пошук
Катэгорыі раздзелу
Публікацыі [249]
Каталог файлаў [96]
Малая краязнаўчая энцыклапедыя [115]
Культура [136]
Адукацыя [13]
Спорт [480]
Здарэнні [116]
Грамадства [237]
Эканоміка [10]
Транспарт [67]
Блог [6]
Падарожнічаем разам [9]
Каляндар
«  Лістапад 2017  »
ПанАўтСерЧацПятСубНяд
  12345
6789101112
13141516171819
20212223242526
27282930
Хто тут?
Анлайн усяго: 1
Гасцей: 1
Карыстальнікаў: 0

Статыстыка і партнёры
Каталог TUT.BY Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.