ПАРХОМ — беларускі майстар-злотнік XVIII стагоддзя. Жыў і працаваў у
Давыд-Гарадку. У 1752 годзе разам з Мікітам-злотнікам выканаў
абклад абраза «Маці Боская Адзігітрыя» (падпісана майстрамі). Зберагліся тры абклады
абразоў, выкананыя Пархомам (адзін падпісаны, два прыпісваюцца яму паводле стылістычных адзнакаў).
Работы вызначаюцца арыгінальнай трактоўкай кветкавага
арнаменту (мноства лістоў, варыяцыі букетаў з двух кветак на кароткіх перакрыжаваных сцяблінках), дасканаласцю тэхнічных прыёмаў.