ВІЛЫГалоўная »
ВІЛЫ – ручная прылада для падняцця і пераносу снапоў, сена, саломы і г.д. Вядомы вілы драўляныя і металічныя з 2 — 3 пальцамі (зубамі) даўжынёю 40 — 50 см і круглым гладка адшліфаваным дзержаком даўжынёю 1,5 — 3 м. У трохзубых вілах трэці палец размешчаны насупраць двух як проціпалец.
Вілы
Драўляныя трохзубыя вілы выкарыстоўваліся ў сялянскіх гаспадарках пры сціртаванні снапоў і саломы, стагаванні сена, двухзубыя — для вытрасання саломы ў час малацьбы, прыгатавання трасянкі. У наш час бытуюць вілы з металічнымі пальцамі. Часам віламі называюць таксама сахор.
|