ВЯДРО — 1) бандарная пасудзіна цыліндрычнай формы, у якой носяць або захоўваюць ваду ці іншыя вадкасці. Да дзвюх процілеглых даўжэйшых клёпак з адтулінамі мацавалася дужка (восілка).

2) Даўняя адзінка вымярэння вадкіх рэчываў у сістэме мер Вялікага княства Літоўскага, роўная прыблізна 10 л. У сучаснай беларускай мове слова вядро не страціла значэння меры, але не з'яўляецца адзінкай вымярэння.