ВЫБІВАННЕ — спосаб аздаблення тканін спецыяльнай ручной
вышыўкай, што ўжываецца пераважна пры вырабе дэкаратыўных дываноў і невялікіх пано («макатак», «відокаў»). Лакальная назва набіванне. Як від народнага мастацтва выбіванне распаўсюдзілася на Беларусі ў 1970-я г.
Выконваецца пры дапамозе спецыяльнай полай іглы (з драўлянай ручкай), праз якую прапушчана нітка ад клубка. Асаблівасць тэхнікі выбівання — шчыльны пяцельны ўзор, які пакрывае ўсё поле тканіны.
Арнаментальныя кампазіцыі выбіваных
дываноў звычайна складаюцца з буйных раслінных матываў.