ЗДОР – нутраны свіны тлушч. У некаторых мясцовасцях пашырана назва выдзер. Здор здымаюць з тушы пластом, соляць, дадаюць духмяныя прыправы, скочваюць у качулку (трубу, булку, галушку), перавязваюць ніткамі, складваюць разам з салам у кубел (дзежку), а на лета вешаюць на гарышчы (звычайна ў кашы або спецыяльнай клетцы).

Тонкі здор з кішак, са страўніка вымочваюць, потым ператопліваюць (ператоп, смалец). Здорам запраўляюць страву, смажаць да бліноў.