ЖУР, кісяліца – даўняя
страва з аўсянай мукі.
Яе або вотруб'е рашчынялі вялікай колькасцю вады. Каб хутчэй укісала, дадавалі кавалачак хлеба. Калі рошчына ўкісала, яе працэджвалі на сіце. Як адстойвалася, рэдкую частку злівалі і варылі жур, а з густой (цэда) –
кісель.
Мелі і яшчэ іншыя спосабы прыгатавання – напрыклад, муку ці вотруб'е рашчынялі густа і варылі кісель, а рэшткі ад працэджанага залівалі вадой яшчэ раз і гатавалі жур. Страву падсольвалі, заскварвалі або запраўлялі алеем і елі звычайна з
бульбай.
Ласаваліся журам, калі ён быў яшчэ цёплы.