ЖУРАВЕЛЬГалоўная »
ЖУРАВЕЛЬ – традыцыйнае прыстасаванне пры студні для даставання вады. Укапаная ў зямлю саха, у развілцы якой замацаваны рухомы на металічнай восі рычаг – вага. Да верхняга канца рычага – вагі прывязаны драўляны шост з вядром, да ніжняга – процівага.
 Журавель студні. Вёска Абакумы Лоеўскага раёна
У першай чвэрці 20 ст. з паніжэннем узроўню грунтавых вод журавель пачаў выходзіць з ужытку. На змену яму прыйшло новае пад’ёмнае прыстасаванне – калаўрот. У наш час журавель спарадычна сустракаецца паўсюдна на Беларусі.
Аўтар: У.С.Гуркоў
Крыніца: Этнаграфія Беларусі: энцыклапедыя / Беларуская Савецкая Энцыклапедыя; рэдкалегія: І.П. Шамякін (галоўны рэдактар) [і інш.]. - Мінск: БелСЭ, 1989. - 375 с.
|
