ЖЫЛІБЕР Жан Эмануэль (1741 – 1814) – французскі натураліст, хірург і анатам.
Пасля заканчэння вучобы і пасля пэўнага часу працы ў Францыі перабраўся ў
Гродна і ў 1775 г. арганізаваў тут медыцынскую акадэмію. Наладзіў і дзейнасць акушэрскай і ветэрынарнай школ, клінічнага шпіталя, батанічнага саду. У 1781 – 1783-я гг. працаваў прафесарам натуральнай гісторыі медыцынскага факультэта Галоўнай школы
ВКЛ (пазней
Віленскі універсітэт), заснаваў і ў Вільні батанічны сад. У 1783-м г. вярнуўся на радзіму.
Аўтар навуковых даследаванняў па флоры Беларусі, Літвы, Польшчы, па эпідэміялогіі эндэмічных хвароб у гэтых краінах.