ЖЫВІЦА, тарпатына, тэрпенцін – смала, якая вылучаецца пры падсочцы або пашкоджанні дрэў іглічных парод (хвоя, кедр, елка, піхта, лістоўніца). Сыравіна для вырабу каніфолі і шкіпінару. Здабыча жывіцы вядома на Беларусі з 16 ст. Выраблялі з жывіцы белы вар, якім смалілі дратву, лодкі і іншыя судны.
Жывіца – светлая, празрыстая вязкая вадкасць. He раствараецца ў вадзе, раствараецца ў эфіры, абсалютным спірце, ацэтоне. Мае 35 — 38% шкіпінару і 62 — 65% смаляных кіслот. На паветры загусае, змяняе колер да цёмна-бурага і крышталізуецца ў выніку акіслення і выпарэння шкіпінару (прамысловая жывіца мае 16 — 20% і шкіпінару). Здабываюць рэгулярнай падсочкай хвоі (выхад жыівцы ў сярэднім 1 — 1,1 кг/год). Выкарыстоўваюць як сыравіну для атрымання шкіпінару і каніфолі. На Беларусі хваёвую жывіцу перапрацоўвае Барысаўскае акцыянернае таварыства «Лесахімік».
Аўтар: Я.Г.Міляшкевіч Крыніца: Беларуская энцыклапедыя
Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.