ЗВЫЧАЙ – грамадская ці пэўнай сацыяльнай групы норма паводзін, якая перадаецца ад пакалення да пакалення згодна традыцый, без дзяржаўнага прымусу. Ляжыць у аснове розных
абрадаў, што пачалі складвацца яшчэ з эпохі абшчынна-радавой супольнасці.
З умяшаннем дзяржавы пачало замацоўвацца вядомае
звычаёвае права, пазней – юрыдычная норма. Апошняя падкрэслівала класавую няроўнасць, давала прывілеі маёмасным і пазбаўляла іх немаёмасных.
Звычай працяглы час меў штодзённы ўжытак на раўнапраўнай аснове сярод сялян (талака, сябрына,
бонда, попрадкі, каляндарныя святы і інш.), што прадугледжвала згуртаванасць, узаемадапамогу і выхаваўчае значэнне.
У савецкі час многае са старажытных звычаяў адышло ў нябыт, а замест яго пачалі ўводзіцца новыя, часамі штучныя
абрады і святы.
У сучасны момант на дзяржаўным узроўні папулярызуецца правядзенне штогодніх дажынкаў у розных гарадах Беларусі.