«Гераізм савецкіх людзей у дні Вялікай Айчыннай вайны, працоўная слава і поступ сённяшняга маладога жыцця — галоўная тэма новай кнігі паэта. Вершы яго, простыя па форме, ясныя па зместу, з яркімі паэтычнымі вобразамі, прасякнуты пачуццём павагі да чалавека, роднай зямлі».
Зборнік вершаў «З маіх крыніц» Івана Кірэйчыка выдадзены ў 1994 годзе.
«Іван Кірэйчык — па прафесіі журналіст. Пабываў у самых розных мясцінах былога Саюза, сустракаўся з мноствам цікавых людзей. Уражанні ад гэтых сустрэч увасобіліся ў вершы. Паэт піша пра блізкае і балючае. Трывога за родную зямлю, злавесны цень Чарнобыля не абышлі ягоную творчасць».
Сборник стихов «Рассветы и закаты» издан в 2010 году отделом библиотечного маркетинга ЦРБ им. В.Ф. Проскурова Ганцевичсккой РЦБС.
«Красота, любовь, мечта, грусть – это главные темы поэзии Вячеслава Нестерука, собранной на страницах данного издания. Его стихи жизненные, волнующие, полные мудрости и доброты».
«У сваім новым паэтычным збоніку Уладзімір Марук імкнецца спасцігнуць вытокі духоўнасці ў чалавеку, зразумець, чаму духоўнасць гэту чалавек губляе, падпарадкоўваючыся чыста знешнім праявам жыцця, а не яго глыбіннаму, унутранаму зместу. Паэт лічыць, што калі мы, няхай і несвядома, забываем пра тое, "што ў свеце нядаўнім было”, то не можам паўнакроўна існаваць».
«Узаемасувязь чалавека і прыроды – адна з галоўных тэм зборніка. Малады паэт уважліва прыслухоўваецца да шолаху лістоты, якая, "як душа, прасвечваецца", адчувае жывыя карані пракаветных палескіх сосен, якія, спадзяецца ён, вечныя, як самое жыццё на зямлі. Яркае полымя рабіны – паэтычны сімвал чалавечнасці і высокага сэнсу жыцця людзей. Вершы ў паэта часта набываюць філасофскае гучанне».
«У новым зборніку лаўрэата Літаратурнай прэміі імя А.Куляшова вядомага берасьцейскага паэта Алеся Каско 45 вершаў апошняга часу. Гэта вершы-роздумы пра вечнае і мімалётнае, пра сутнасьць жыцьця і месца творчага чалавека ў ім».
Зборнік вершаў «Набліжэнне» Алеся Каско выдадзены ў 1989 годзе.
«Лірычны герой вершаў Алеся Каско адкрыты ў сваіх перажываннях, паслядоўны ў сцвярджэнні высокай духоўнасці, шчырасці і дабрыні, часам схільны да самаіроніі. У нізцы вершаў «Атожылкі», якая завяршае кнігу, асэнсоўваюцца пытанні экалогіі, што датычаць радзімы паэта — Палесся».
Зборнік вершаў «Скразная лінія» Алеся Каско выдадзены ў 1982 годзе.
«Паэзія Алеся Каско, журналіста Брэстчыны, стрыманая і шчырая ў сваёй адкрытасці, у сваім даверы да людзей, у вернай любові да краю бацькоў, да Радзімы».
"Літаратурная карта Берасцейшчыны" – гэта своеасаблівы навігатар па літаратурным "моры Герадота" як у прасторы, так і ў часе, для вучняў, студэнтаў, выкладчыкаў гуманітарных дысцыплін, бібліятэкараў, музейных работнікаў, экскурсаводаў, краязнаўцаў, наогул усіх, каму неабыякавая культура роднага краю і яе набыткі ў галіне слоўнага мастацтва. На сённяшні дзень яна не мае аналагаў у рэспубліцы. Яе старонкі знаёмяць з пісьменнікамі Берасцейшчыны і іх творчасцю, пачынаючы з сярэднявечча да сённяшняга часу, з літаратурнымі аб’яднаннямі і літаратурнымі мясцінамі, у ліку якіх дамы-музеі, мемарыяльныя дошкі, помнікі і да т. п. Нягледзячы на тое, што творчай групай выканана велізарная работа, некаторыя важныя моманты літаратурнага жыцця маглі выслізнуць з-пад увагі стваральнікаў кнігі. Улічваючы гэтую акалічнасць, рэдакцыйны савет прадугледжвае праз некалькі год перавыданне "ЛКБ" – натуральна, дапоўненае і дапрацаванае.
Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.