Рэпрэзентуецца крытычны погляд з нагоды некаторых кніг па гісторыі, меркаванні, якія часта выходзяць за рамкі традыцыйнай рэцэнзіі і схільны да рэпрэзентацыі аўтарскай візіі. Прадметам увагі сталі працы па гісторыі Беларусі А.Вялікага, У.Ладысева, Л.Несцерчука, В.Сьляшыньскага, С.Парашкова, А.Татаранкі, Я.Мірановіча. Трохі выбіваюцца з такога шэрагу прысутныя тут рэцэнзіі на кароткую беларускамоўную сінтэзу гісторыі Польшчы М.Семаковіча і на даследаванне т.зв. сучаснай гісторыі Украіны Г.Касьянава, шырокі водгук на чарговую кнігу Н.Дэвіса і разгляд гісторыі тэатральных пастановак на тэму жыцця Т.Касцюшкі П.Мітцнера, а таксама аналітыка ўжывання беларусамі слова "маскаль" і пераклад урыўкаў кнігі вядомага палітычнага правакатара Д.Карчынськага пра падзеі на Беларусі 1996 г. Кнігу характарызуе набор смеласці, неардынарнасці ды іроніі. Таму варта разлічваць, што яна выкліча цікавасць у самага запатрабавальнага чытача, нягледзячы на яго ўзрост і ступень абазнанасці ў той ці іншай тэме гістарычнага мінулага. |