Папулярная серыя "Мастацкай літаратуры” "Залатое пяро” папоўнілася томам цікавай і арыгінальнай паэзіі, якая знаходзіцца ў рэчышчы класічных традыцый беларускай літаратуры. Са своеасаблівай творчай справаздачай, названай "Трыадзінства”, прыйшоў да чытача Віктар Гардзей — майстар, чые паэзія і проза заўсёды прываблівалі ўвагу, заўсёды сведчылі пра вартасці глыбінных, народных каранёў айчыннай літаратуры. У паэзіі Віктара Гардзея надзвычай цеснае спалучэнне часу, месца і дзеяння, што дыктуецца абвостраным адчуваннем чужой і сваёй бяды, самоты, і як вынік нашай агульнай і непапраўнай віны: "І ёсць яна, Вялікая Журба, / Калі пастрояць грэшных у калоны; / І прахрыпіць апошняя труба, / І выбегуць, як сцішыцца мальба, / Заместа коней вараныя клоны”. І яшчэ: "І ёсць яна, вялікая Віна, / Калі і дуб ... Чытаць далей »