Жыхар вёскі
Вялікія Круговічы Аляксандр Радзюк удзельнічае ва ўсіх спартыўных спаборніцтвах свайго раёна, не аднойчы выступаў на абласных і рэспубліканскіх лыжных чэмпіянатах. Працуе наладчыкам абсталявання на ганцавіцкім заводзе "Модуль". Здаровы лад, спорт — стыль ягонага жыцця. Кожны новы дзень Аляксандр пачынае з аблівання халоднай вадою, нягледзячы на пару года і стан надвор'я. І робіць гэта шмат гадоў запар. Цяперашняя зіма для Аляксандра Радзюка таксама не стала выключэннем. Апошні месяц зімы называецца лютым, але гэта ніколькі не бянтэжыць круговіцкага аптыміста.
На фотаздымку: Аляксандр Радзюк (пасля аблівання) і ягоныя аднавяскоўцы.