У раённай дзіцячай бібліятэцы, дзе праходзіла мерапрыемства, на працягу ўсёй вечарыны, гучалі успаміны паэта, якія дэманстраваў юны артыст Іван Мурашка, госці чыталі любімыя вершы паэта, юбіляру прысвячаліся песні.
На свяце прысутнічалі ўсе тыя, хто добра яго ведае, паважае, прыхільнікі творчасці, сябры, калегі па пяру. Шмат добрых слоў у адрас юбіляра прагучала ад гасцей: Аляксея Белага, Аляксандара Свірыда, Галіны Пупач, Івана Караленкі, Ніны Кавальчук і Ніны Таўтын і іншых.
Гучалі аўтарскія песні на словы паэта ў выкананні Івана Бондара, Ліліі Вадзюцінай і Святланы Муха.
З вясёлай гумарэскай выступілі артысты Агарэвіцкага Дома культуры Ала Шаматульская і Яніна Курылік.
Лірычны настрой панаваў у зале, калі спявала Алена Цецярдынка.
І завяршыліся віншаванні выступленнем узорнага лялечнага тэатра «Усмешка» Ганцавіцкай раённай дзіцячай бібліятэкі.
Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.