Субота, 19.08.2017, 08:18

Галоўная » 2016 » Май » 4 » Хатыніцкае “валачоннае”
18:54
Хатыніцкае “валачоннае”
На другі дзень Вялікадня ў вёсцы Хатынічы існаваў звычай хадзіць у "валачоннае". Менавіта "валачонныя", а не валачобныя – гэтак на мясцовы манер казалі на дарослых і дзецяй, якія наведвалі сваіх блізкіх і далёкую радню.


Асабліва ў гэты дзень віншавалі хросных бацькоў і хрэснікаў. Дзеці атрымлівалі ў падарунак чырвонае яечка і ласункі.


Старэйшыя жыхары прыгадваюць, што дзеці-валачобнікі хадзілі па хатах і паасобку, і цэлымі гуртамі. Але з часам і гэты, як і іншыя звычаі, якія перадаваліся з пакалення ў пакаленне, сталі забывацца, здыходзіць з ужытку. Сёння ўжо не ўбачыш і самы распаўсюджаны вясковы звычай пасхальных днён – гульню ў біткі фарбаванымі яйкамі.


Таму работнікі Хатыніцкага Дома культуры вырашылі аднавіць забытую цікавую традыцыю і ўжо другі год запар "валачонныя" наведваюць мясцовыя сем‘і. Кіраўнік вядомага народнага фальклорна-этнаграфічнага гурта "Хатовічы" Таццяна Буйкевіч стварыла спадарожны фальклорны дзіцячы гурт "Крынічка", які будзе пераймаць трацыдыйную спадчыну вёскі – мясцовыя песні, танцы, звычаі і абрады. Для ўдзельнікаў гурта – дзяўчынак 6-га і 7-га класаў, іхнія матулі і бабулі падрыхтавалі мясцовые святочнае адзенне – хатыніцкі строй. У гэтых строях дзяўчынкі і выправіліся ў сёлетняе валікоднае "валачоннае". Старэйшыя хатынскія жыхары, як толькі даведаліся пра валачобнікаў, захацелі, каб і ў іх двары прыйшлі гэтыя вялікодныя вестуны.


Мне давалося ўбачыць, як удзельніцы "Крынічкі" наведвалі паважаных людзей вёскі – сям’ю пенсіянераў Андрэя і Надзеі Ярашэвічаў. Андрэй Андрэевіч і Надзея Васільеўна выйшлі на ганак не з пустымі рукамі – па традыцыі яны частавалі незвычайных гасцей чырвонымі яйкамі і пірагамі. Яны былі вельмі задаволеныя, што нарэшце ажываюць родныя вытокі, моладзь і дзеці вяртаюцца да сваіх каранёў.


Фота Анатоля КЛЕШЧУКА, "Звязда"
Катэгорыя: Грамадства | Праглядаў: 419 | Дабавіў: admin | Тэгі: Вялікдзень, Анатоль Кляшчук, Хатынічы, Ганцавіцкі раён, газета Звязда
Меню
Відэаканал GantsRegion
Уваход

Пошук
Катэгорыі раздзелу
Публікацыі [249]
Каталог файлаў [96]
Малая краязнаўчая энцыклапедыя [115]
Культура [136]
Адукацыя [12]
Спорт [439]
Здарэнні [108]
Грамадства [226]
Эканоміка [10]
Транспарт [66]
Блог [6]
Падарожнічаем разам [7]
Каляндар
«  Май 2016  »
ПанАўтСерЧацПятСубНяд
      1
2345678
9101112131415
16171819202122
23242526272829
3031
Хто тут?
Анлайн усяго: 1
Гасцей: 1
Карыстальнікаў: 0

Статыстыка і партнёры
Каталог TUT.BY Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.