 Галоўная думка кнігі – Другая сусветная вайна для Беларусі распачалася 1 верасня 1939 года, а не стала непрыемнай нечаканасцю 22 чэрвеня 1941-га.
Анатоль Трафімчык падрабязна распавядае, як Беларусь стала прасторай для размежавання ўплываў паміж нацысцкай Германіяй і камуністычным Савецкім Саюзам.
Для Беларусі справа не абмежавалася толькі "уз’яднаннем” яе заходняй часткі з БССР. Дый "уз’яднання” як тагога не было. А была хітрая крывадушная палітыка сталінскай дзяржавы, якая пераступала праз нацыянальныя інтарэсы і людзкія лёсы дзеля запаветнай мэты – ажыццяўлення ў свеце сацыялістычнай рэвалюцыі.
Адметная рыса кнігі – беларусацэнтрычная аргументацыя аўтара. Ён трапна аналізуе і пераасэнсоўвае погляды і ацэнкі суседзяў, вымалёўваючы ўласнае стаўленне да праблемы.
Жывая і сакавітая беларуская мова, якой выдзяляецца стыль пісьма Анатоля Трафімчыка, стварае прыемную атмасферу лёгкага інтэлектуальнага чытання.
Кнігу можна набыць у найлепшых кнігарнях Мінска – "Акадэмкніга”, "Логвінаў”, "Кніжны салон”, кніжным кірмашы на Янкі Купалы, інтэрэт-кнігарнях imbryk.by, knihi.by, kniger.by.
| 