Галоўная » 2015 » Сакавік » 20 » Вечарына «Іван Кірэйчык – паэт, празаік, журналіст»
22:30
Вечарына «Іван Кірэйчык – паэт, празаік, журналіст»
19 сакавіка ў вёсцы Гута была адбылася вечарына «Іван Кірэйчык – паэт, празаік, журналіст», якая была прысвечана 80-й гадавіне з дня нараджэння літаратара-земляка і падрыхтавана цэнтральнаю раённаю бібліятэкаю імя Васіля Праскурава.
Напачатку мерапрыемтсва госці наведалі памятны знак, які ўстаноўлены на месцы, дзе стаяла хата ў якой нарадзіўся і вырас Іван Аляксандравіч Кірэйчык. Пасля гэтага ў Гуценскім доме сацыяльна-культурных паслуг прайшла асноўная частка вечарыны. Вяскоўцы ўзгадвалі падзеі мінулых часоў, гучалі ўспаміны пра Івана Кірэйчыка і вёску, калі яна была запоўнена дзіцячымі галасамі і на кожным падворку вялася добрая гаспадарка. Гучалі вершы паэта, якія ён прысвячаў роднаму краю, песні на вершы Івана Кірэйчыка і літаратараў-землякоў. З цікавасцю госці мерапрыемства праглядзелі выстаўку пра жыццё і творчасць пісьменніка, прадстаўленую раённым краязнаўчым музеем.
Прдастаўляем вашай увазе ФОТАРЭПАРТАЖ з дадзенай вечарыны.
Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.