21 студзеня ў цэнтральнай раённай бібліятэцы імя В.Ф.Праскурава прайшла вечарына «Як жыццё свае скрыжалі піша», прысвечаная памяці нашага выдатнага земляка паэта
Уладзіміра Антонавіча Марука. 6 студзеня гэтага года
Уладзіміру Антонавічу споўнілася б 57 гадоў.
Вечарыну адкрыла ўступным словам вядучая Галіна Мікалаеўна Пупач. Затым маці паэта Надзея Уладзіміраўна і яго родная цётка Вольга Уладзіміраўна запалілі свечку памяці.
І прагучалі ўспаміны.
Віктар Гардзей прыгадаў, як да яго ў перыяд работы ў газеце «Савецкае Палессе» ў першы раз трапіў сшытак з вершамі, якія ўсе былі апублікаваны ў раёнцы.
Затым успамінамі пра бацьку падзялілася дачка паэта Вераніка. Яна таксама нагадала, што многае з напісанага
Уладзімірам Антонавічам, засталося ў рукапісах, таму падрыхтавана і неўзабаве выйдзе новая кніга ўраджэнца
Гуты. З родных
Уладзіміра Марука таксама выступілі родныя брат Аляксандр і сёстры Вольга і Галіна, а таксама цётка Вольга.
З Мінска аддаць даніну памяці прыехалі пісьменнікі Уладзімір Ягоўдзік, Вадзім Спрынчан, Рагнед Малахоўскі.
Падчас мерапрыемства прысутныя таксама змаглі паглядзець тэатралізаваную пастаноўку ў выкананні лялечнага тэатра «Усмешка» раённай дзіцячай бібліятэкі па кнігах «Ехаў Чыж у Парыж»,
«Чыж вярнуўся з-за мяжы».
Не лішнім будзе адзначыць і тое, што дзве гадзіны, якія доўжылася мерапрыемства, праляцелі непрыкметна.