Дзякуючы установе «ЭтнаТрадыцыя», што займаецца захаваннем, развіццём і папулярызацыяй беларускай традыцыйнай культуры, музыкі і сучаснага мастацтва, у сеціва быў выкладзены альбом гурта «Хатовічы», які дзёнічае пры Хатыніцкім сельскім Доме культуры.
Фальклорны гурт «Хатовічы»
«Хатовічы» — унікальны фальклорны гурт, які існуе больш за 40 гадоў у вёсцы Хатынічы Ганцавіцкага раёна. Старэйшай удзельніцы калектыву — больш за 80 год. Нязменнай крыніцай натхнення для ўдзельнікаў калектыву заўсёды былі мясцовыя песні і абрады. Выконваюць «Хатовічы» веснавыя, купальскія, жніўныя песні, спяваюць пазаабрадавыя творы і прыпеўкі.
|