Царква ў гонар Праабражэння Гасподняга размяшчаецца ў цэнтры вёскі на старых закрытых могілках. Пабудавана ў 1896 годзе з дрэва на месцы старога храма. Царква помнік народнага дойлідства. Пяць зрубаў аб'яднаны ў цэнтрычную крыжовую аб'ёмна-прасторавую кампазіцыю. Асноўны кубападобны аб'ём завершаны васьмігранным барабанам з высокім шатром. Далучаныя да яго прырубы прытвора і апсіда накрыты двухсхільнымі дахамі. Тры ўваходы ў храм аформлены ганкамі з навісямі. Вертыкалізм храма падкрэслены шалёўкай сцен, дэкарыраваных разьбой на франтонах, фрызах, ліштвах стральчатых аконных праёмаў. У малітоўную залу шырокімі прасветамі адкрываюцца бакавыя прыдзелы, псіда і прытвор. Царква ўключана ў Дзяржаўны спіс гісторыка-культурных каштоўнасцей Рэспублікі Беларусь пад шыфрам 113Г000162.
Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.